આજ, મહારાજ ! જલ પર ઉદય જોઈને
ચન્દ્રનો, હૃદયમાં હર્ષ જામે,
સ્નેહઘન, કુસુમવન વિમલ પરિમલ ગહન
નિજ ગગન માંહિ ઉત્કર્ષ પામે;
પિતા ! કાલના સર્વ સંતાપ શામે !
નવલ રસ ધવલ તવ નેત્ર સામે
પિતા ! કાલના સર્વ સંતાપ શામે !

જલધિજલદલ ઉપર દામિની દમકતી
યામિની વ્યોમસર માંહી સરતી;
કામિની કોકિલા કેલિ કૂજન કરે
સાગરે ભાસતી ભવ્ય ભરતી;
પિતા ! સૃષ્ટિ સારી સમુલ્લાસ ધરતી !
તરલ તરણી સમી સરલ તરતી,
પિતા ! સૃષ્ટિ સારી સમુલ્લાસ ધરતી !


નાનપણમાં ભણવામાં આવતી આ કવિતા વાંચીને આજે ય તેટલી જ પ્રસન્નતા થાય છે.


આ કાવ્યનો લયસ્તરો પર રસાસ્વાદ માણવા નીચેની લિંક પર ક્લિક કરશો :
સાગર અને શશી – કાન્ત (ભાગ-૧)
સાગર અને શશી – કાન્ત (ભાગ-૨)


મણિશંકર રત્નજી ભટ્ટ ‘કાન્ત’ વીશે જાણવા માટે નીચેની લિંક પર ક્લિક કરશો :
મણિશંકર રત્નજી ભટ્ટ ‘કાન્ત’

Advertisements