તા. ૭,૮ અને ૧૦ એપ્રિલ ૨૦૧૧ દરમ્યાન ભાવનગરના જવાહર મેદાનમાં ઘોડા પર બેસીને રમાતી રમત ’પોલો’ રમવામાં આવી હતી. આ રમતમાં પ્રથમ ક્રમ લીલા રોયલ્સની ટુકડીએ અને દ્વિતિય ક્રમ સ્ટીલકાસ્ટની ટુકડીએ પ્રાપ્ત કર્યો હતો. કુલ ૬ ટુકડીએ ભાગ લીધેલો. સમાપન સમારોહમાં ભાવનગરના જાણીતા ગાયક કલાકાર શ્રી પાર્થિવ ગોહિલે પોતાના કંઠ અને અદાઓથી સહુના મન મોહી લીધા હતાં.
આ રમત બાળકોને સાહસિક અને ખડતલ બનવા માટે પ્રેરણા આપે તેવી છે. ઘોડાને કાબુમાં રાખીને પછી દડા પર કાબુ કરીને લક્ષ્ય સિદ્ધ કરવું તે ઘણાં પ્રકારની કુનેહ ધરાવતાં હોય તે જ કરી શકે છે. તે માટે શરીર, મન, બુદ્ધિ બધુંયે સાબુત જોઈએ અને સાથે સાથે સહુથી મહત્વની સંઘભાવના જોઈએ.
આયોજકોની દર્શકો માટેની વ્યવસ્થાની ખામી ઉડીને આંખે વળગે તેવી હતી. બાળકોને આ રમત જોવાની ખૂબ ઉત્કંઠા હતી. પ્રેક્ષકો માટેની અવ્યવહારુ વ્યવસ્થાથી ભાગ્યે જ કોઈ બાળક આ રમત નીહાળી શક્યું હશે. બધાં જ બાળકોના ચહેરા પર નીરાશા જણાતી હતી. હવે પછી જ્યારે પણ આવા જાહેર કાર્યક્રમો યોજવામાં આવે ત્યારે દર્શકો માટેની યોગ્ય બેઠક વ્યવસ્થા કરવામાં આવશે તો આવા કાર્યક્રમોને ચાર ચાંદ લાગી જશે.
"મધુવન" 
dm chudasasma
It is very interesting and new game for public of Bhavnagar. But public can not take full chance of enjoing this royal game as there is not enough facilities for viewers. so if necessary arrangement would have been done by organizer, it would be more enjoyeble to public.